منتدى فراشات الليل

منتدى فراشات الليل

منتدى لبنات فقط شعارنا.......ص : الصدق، د : الدم الواحد ، ي: يد واحدة ،ق: قلب واحد
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 ♥وشك منور و صافي وصفات للعناية ببشرتك♥

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
موني العسوله
مشرفة
مشرفة
avatar

عدد المساهمات : 208
نقاط : 2246
السٌّمعَة : 28
تاريخ التسجيل : 18/09/2012
الموقع : مصرية

مُساهمةموضوع: ♥وشك منور و صافي وصفات للعناية ببشرتك♥   الإثنين أكتوبر 15, 2012 1:21 am

السلام عليكم و رحمة الله تعالى و بركاته

فراشات قلبي جيت و جبتلكم طريقة الاهتمام بالبشرة لوجه مشرق منور و خالي من أي عيوب

و اللي عندها أي استفسار تتفضل و أنا في الخدمة


الماسكات اللي هنزلها هي ماسكات مجربة و هقول نتيجة كل وحدة و هقول طريقتي في الاهتمام بالوجه

طبعا لو هنعمل ماسكات من برة و ننسى التغذية النتيجة مش هتكون قد كده... عشان كده بنصح كل فتوكة... لو عايزة بشرة صافية ابتدي من الأكل..


*اشربي مية كثير

*كلي خضار و الافضل تكون مطهوة بالبخار عشان ماتفقدش فوائدها

*بشرة الوجه محتاجة بالأساس لفيتامين A و هو موجود في أصفر البيض، الكبد، اللبن و الزبادي... كمان ممكن تلاقوه كـپروڤيتامين A في كل الخضار اللي لونها أخضر ، و كمان في المانجا، الجزر....

*البشرة كمان محتاجة للزنك و الي ممكن نلاقيه في اللحمة و المحار و الكبد..

*اشربي عصائر ، عصير خيار، عصير خوخ، عصير ليمون، برتقال...

*ابعدي عن المنبهات، شاي ، قهوة، مشروبات غازية

*ابعدي عن الفواكه و الخضر المعلبة..
نيجي دلوقتي للاهتمام اليومي

عن نفسي بحاول على قد ماقدر ماستعملش مواد كيماوية لوشي خصوصا انه كل مرة يطلعوا مكون من المكونات بيعمل سرطان او بيعمل تجاعيد ...

يومي ببتديه عادي بغسل وشي بصابونة الطاووس المغربية 100% طبيعية، بغسله بيها 3 مرات و بمرر على وشي مكعبات مثلجة من مية ورد، او بمسح بقطنة فيها مية ورد و خلاص...
دي صورة صاب
ون الطاووس


لو في الصيف بحط سان بلوك و بــــس

ساعات بستعمل غسول بدل الصابون و كل وحدة ممكن تستعمل الغسول اللي بترتاح معاه و أفضل الأنواع هو Neutrogena و عن تجربة!
نيجي دلوقتي
لحمام البخار


ده الصراحة الحمام المغربي الاسبوعي بيغنيني عنه بس برده ساعات بعمله و هقول طريقة عمل حمام البخار للوجه بالنسبة لكل نوع من البشرة

أولا نعرف امتى نعمله و كل قد ايه!

بالنسبة لـــ :

البشرة الذهنية : حمام البخار من 6 دقايق ل 8 دقايق على الأكثر ، مرة كل اسبوع

البشرة المختلطة : لمدة 10 دقايق كل اسبوع

البشرة العادية : 5 دقايق كل اسبوعين

البشرة الجافة : مش أكثر من 3 دقايق كل 15 يوم

ملحوظة : مش بنصح بيه خالص لصاحبات البشرة الحساسة او الملتهبة او اللي بتتعالج بعلاج كيماوي لمرض ما

نيجي بقى لطريقة تحضير حمام البخار و ايه اللي ممكن نستعمله فيه

بالنسبة لــــ :

كل أنواع البشرة : ممكن نضيف ورد، لافندر ، ياسمين ، نعناع

البشرة الذهنية : كاموميا، قشور الليمون ، قشور البرتقال ...

البشرة الجافة : قطرات من زيت اللافندر، قطرات من زيت النعناع...

البشرة المختلطة : حبيبات الشاي

البشرة العادية : كل ما سبق و ممكن كمان زيت زعتر

الطريـــقة بقى :

حطوا الزيت او النبات اللي اختارتوه في اناء فيه مية مغلية و غطوا الراس بفوطة و سيبوا البخار ده موجه لوشكم مدة كافية ( و حسب نوع البشرة )
دلوقتي بعد ما عملتي حمام بخار لوشك لازم تعملي ماسك

بنلاقي وصفات بالهبل و من كثرهم بنكسل نعملهم اصلا

انا بقول كل وحدة تختار وصفة من الوصفات و تكون هي دي وصفتها المفضلة..

طيب و انا اعرف ازاي انه هي دي الوصفة المناسبة؟؟؟

طبعا هتختاريها بناء على نوع بشرتك و على نوع المشكل اللي بتعاني منه و على حسب الامكانيات المادية ( مع انه كل المكونات متوفرة في المطبخ )
أول ماسك : ماسك البيض

ساعات بكسل أعمل ماسك و باخذ بس بيضة

* بفصل صفار البيض عن الأبيض بتاعه

* باخذ الأبيض بضربه شوية بشوكة و بعدين بحطه على وشي،

*بحط على وشي أول طبقة و بسيبها تنشف

*لما بتنشف بحط على وشي ثاني طبقة و بحط عليها منديل ( انا بدل المنديل بستعمل الشرائح الي بنشيل بيها السويت .. افتكاسة يعني ) بلزقها على منطقة الجبهة و الانف و الذقن و بسيب لحد ما تنشف...

*بشيل الشرايح دي ( بتكون شايلة معاها الرؤوس السوداء و أي اوساخ )

*بغسل وشي بمية دافية

*باخذ صفار البيض و بذهن بيه وشي

* بسيبه لحد ما ينشف و بغسل وشي بمية دافية و بمرر مكعبات ثلج عشان اقفل المسام...

والله العظيم النتيجة جميلة جدا جدا جدا


ثاني ماسك : ماسك الحمص

الماسك ده بيصفي البشرة و بيفتحها

*تاخذي حمص مطحون و تخلطيه بمية ورد و تفرديه على وشك
*تسيبيه لحد ما ينشف و تشيليه بحركات دائرية و بعدها تغسلي وشك بمية دافية و تمرري بعدها مكعبات ثلج على وشك لقفل المسام او تغسلي بمية ساقعة

الماسك الثالث : ماسك اللوز و اللبن

ده ماسك بيبض بس لازم تعمليه مرتين و ثلاثة عشان تشوفي النتيجة:

*كمية من لوز مطحون
* شوية لبن دافئ

بتخلطيهم و تحطيهم على الوش لحد ما ينشف

لما تيجي تشيليه شيليه و انتي بتعملي حركات دائرية بايديك و بعدها اغسلي وشك بمية دافية و امسحي بمكعبات ثلج


رابع ماسك : ماسك النخالة ( الردة )

الماسك ده ينفع جدا لللي بشرتهم جافة، عادية او مختلطة

*صفار بيضة

*شوية نخالة ( الردة )

تفرديه على وشك لحد ما ينشف و تغسليه و تمسحي بمكعبات ثلج

خامس ماسك :ماسك العسل

الماسك ده بينظف البشرة بس لا بيبيض ولا بيشيل حبوب يعني تنظيف و بس

معلقة عسل و معلقة كبيرة حليب نيدو

تخلطيهم و تفرديهم على وشك 10 دقايق و تغسلي بعدها وشك بمية دافية و طبعا تمسحي وشك بمكعبات ثلج


سادس ماسك :

الماسك ده للبشرة المختلطة و العادية

*تاخذي صفار بيضة

*شوية قرفة

*شوية عسل

تخلطيهم و تحطيهم على وشك 10 دقايق و تغسلي وشك بمية دافية


سابع ماسك : ماسك الطين

الماسك ده ممكن تعمليه كل يومين لو عايزة نتيجة حلوة و سريعة.. بيفتح لون البشرة و بينظفها

*طين أبيض

*مية ورد

تخلطي كمية من الطين الأبيض بمية ورد تفردي الخليط على وشك و تسيبيه لحد ما ينشف و تغسلي وشك


ثامن ماسك : ماسك الحمص و الفول و الحلبة

*كمية من الفول

*كمية من الحمص

*كمية من الحلبة

*تطحنيهم و تخلطيهم مع صفار بيضة ( للبشرة العادية و المختلطة و الجافة ) أو ماء ورد ( لكل أنواع البشرة ) .

*ممكن تضيفي معلقة نيدو لو عايزة تشيلي ريحة الحلبة

*و ممكن تضيفي شوية عكر فاسي او دم الغزال لو عايزة لون وردي

و ممكن تقسمي الخليط نصه تحطي فيه دم الغزال و تحطيه بس على الخذوذ و الأنف و النص الثاني باقي الوش و بكده تبقى مزة ههههههههههه


تاسع ماسك : ماسك الخيار

*تاخذي خيارة تبشريها

*تضيفلها نيدو لحد ما تحصلي على خليط متماسك

*تفرديه على وشك 20 دقيقة

الماسك ده بيبض و مغذي جدا


عاشر ماسك : ماسك الرز

*كمية من الرز المطحون

*مية ورد

تخلطيهم مع بعض و تفرديهم على وشك و كلنا عارفين فوائد الرز و مية ورد تبيض و تفتيح ..


الماسك الحادي عشر : ماسك الحلبة لمحاربة آثار الحبوب

الماسك ده أنقذني أيام المراهقة من حب الشباب والله وشي كان متبهدل و الماسك ده شال الحبوب و شال آثارهم و فتح وشي جدا

هو عبارة عن :

*صفار بيضة
*حلبة مطحونة
*قرفة
*عكر فاسي ( دم الغزال )

تخلطيهم و تفرديهم على الوش لحد ما ينشفوا

تقشريه و بعدها تغسلي وشك بمية دافية و هوبا مرري ثلجة

مرة كل اسبوع والله ودعي أي آثار حبوب

ملاحظة : ما تنسيش تحطي الماسك على الرقبة كمان

و بكده أبقى خلصت مع الماسكات و كل طبيعي * طبيعي
فاضل ايه فاضل ايه ؟؟؟؟؟؟؟؟؟؟

التــقـــــــــــــــــــــــشــــيـــــــــــــــ ــــــــــــــــــــــــــــر


السوق مليان مقشرات كيماوية بالهبل

في اللي بيدي نتيجة تحفة و في اللي نص نص و في اللي ... بلاش الشتيمة حرام هههههههههههه

انا هقولكم شوية وصفات تعملي بيها خليط لتقشير الوجه طبيعي و آمن و بأقل التكاليف و بنتائج أحسن من أي منتجات


أول مقشر :

سكر + زيت زيتون

اغسلي وشك بصابون و امسكي الخليط ده حطيه على وشك و احركي صوابعك بطريقة دائرية و ناعمة و ركزي على الأنف و الجبة و الذقن لمدة 5 دقايق..

اشفطي الوش بمية دافية

و اغسلي بمية ساقعة بعدها..

ثاني مقشر :

رز + زبادي

نفس الطريقة ، تقشير بعده غسل بمية ثم مرري مكعبات ثلج على وشك

المقشر الثالث :

ملعقة من مسحوق جوز الهند + معلقة عسل
قشري + اغسلي + مكعبات ثلج


المقشر الرابع :

لوز + زبادي

نفس الطريقة برده

تقشري + تغسلي + تمسحيه بمكعبات مثلجة
طيب طالما احنا في الطبيعي هو في مزيل مكياج طبيعي؟

طبعا في ...

أول مزيل هو مية ورد و بجد مافيش أحلى منه

ثاني مزيل ماكياج ممكن تحضريه بنفسك

ربع لتر لبن + خيارة مبشورة

تاخذي الخيارة المبشورة بالمية بتاعتها و تضربيها في خلاط مع اللبن

تاخذي الخليط تحطيه على النار 5 دقايق

تسبيه يبرد تصفيه و تحطيه في ازازة في الثلاجة

الخليط ده تستعمليه لمدة اسبوع لا اكثر
و بكـــده أبقى خلصت

مش بطلب منكم غير دعوة بصلاح الحال و انه ربنا يوفقني ف حياتي و ينولني اللي ف بالي..

بحبكن في الله

في آمان الله
للأمانه منقوووووووووووووووووووووووووووووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://g.sabaya.ae/profile.php?id=879234
**كرستينا**
مشرفة مراقبين ومحامية
مشرفة مراقبين ومحامية
avatar

عدد المساهمات : 414
نقاط : 2361
السٌّمعَة : 79
تاريخ التسجيل : 28/09/2012
العمر : 20

مُساهمةموضوع: رد: ♥وشك منور و صافي وصفات للعناية ببشرتك♥   الإثنين أكتوبر 15, 2012 9:00 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
موني العسوله
مشرفة
مشرفة
avatar

عدد المساهمات : 208
نقاط : 2246
السٌّمعَة : 28
تاريخ التسجيل : 18/09/2012
الموقع : مصرية

مُساهمةموضوع: رد: ♥وشك منور و صافي وصفات للعناية ببشرتك♥   الإثنين أكتوبر 15, 2012 11:54 am

شكرا ليكي كتيييييير كرستينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://g.sabaya.ae/profile.php?id=879234
1تفاحه
أعضاء
أعضاء


عدد المساهمات : 117
نقاط : 1854
السٌّمعَة : 8
تاريخ التسجيل : 10/01/2013

مُساهمةموضوع: رد: ♥وشك منور و صافي وصفات للعناية ببشرتك♥   الإثنين يناير 14, 2013 2:37 am

[color=red] شكراااااااااا على موضوعك الرائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دلوعة بس بعجبك
أعضاء
أعضاء
avatar

عدد المساهمات : 66
نقاط : 1773
السٌّمعَة : 6
تاريخ التسجيل : 25/01/2013
العمر : 18
الموقع : فلسطين

مُساهمةموضوع: رد: ♥وشك منور و صافي وصفات للعناية ببشرتك♥   السبت يناير 26, 2013 4:11 am

يسلمووووووووو كتير حبيبتي الموضوع زوووووء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الكسندرا2
أعضاء
أعضاء
avatar

عدد المساهمات : 290
نقاط : 2192
السٌّمعَة : 20
تاريخ التسجيل : 25/09/2012
العمر : 19
الموقع : البيت

مُساهمةموضوع: رد: ♥وشك منور و صافي وصفات للعناية ببشرتك♥   الأربعاء يناير 30, 2013 8:42 pm

يسلموا حبي farao

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
♥وشك منور و صافي وصفات للعناية ببشرتك♥
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» توافق برج الدلو مع باقي الابراج!!
» كيف اهتم ببشرتى واعمل الميكب
» ماسبب الالام اسفل البطن والافرازات المهبلية الداكنة اللون في بداية الحمل ؟
» شرح طريقة تركيب طبق متحرك وبالصور حصريا
» بدل رجالى

صلاحيات هذا المنتدى:لاتستطيع الرد على المواضيع في هذا المنتدى
منتدى فراشات الليل :: الفئة الأولى :: المنتدى الأول :: عالم ينات-
انتقل الى: